Paano mag-apply sa 4Ps o ibang government aid para sa pamilya namin?

Beneficiary kami ng 4Ps dati kaya ikkwento ko ang naranasan namin. Ang 4Ps ay hindi basta apply, may targeting at survey ang DSWD para malaman kung qualified ang household base sa kahirapan. Ang una mong gawin, magtanong sa barangay o sa local DSWD office kung may bukas na registration o Listahanan survey sa area niyo. May mga conditions din kapag naging beneficiary, tulad ng regular na pagpasok ng anak sa school at check-up sa health center, kaya hindi ito basta ayuda lang. Dalhin mo ang mga papeles tulad ng birth certificates ng anak at proof of residence. Mag-follow up ka sa barangay kasi minsan sila ang nagbibigay ng update sa mga programa.

Bukod sa 4Ps, marami pang tulong na hindi alam ng iba. Nakatulong sa amin ang AICS ng DSWD, ito ay tulong para sa medical, burial, o educational assistance kapag may emergency, walk-in ka lang sa DSWD office na may mga requirements. May TUPAD din ang DOLE na pansamantalang trabaho para sa mga walang hanapbuhay. Ang tip ko, laging updated ka sa barangay announcements kasi doon madalas idinadaan ang mga listahan ng qualified. Dalhin mo lagi ang valid ID, barangay certificate, at kung ano pang hinihingi. Wag kang mahiya magtanong sa mga social worker, trabaho nila tumulong. Mag-ingat lang sa mga fixer, libre lahat ng legit na aid, wag magbayad kaninuman.