MP2 ng Pag-IBIG ba o time deposit sa bank para sa emergency fund?

Importanteng linawin: ang emergency fund is HINDI dapat naka-lock. Ang MP2 ay 5-year term, so hindi yun tamang lagayan ng emergency fund kasi baka kailanganin mo bago mag-5 years. Ang emergency fund ilagay mo sa high-yield digital bank o time deposit na madaling ma-withdraw. Ang MP2 ilagay mo yung pera na hindi mo kakailanganin for 5 years, kasi maganda ang dividend nun historically, mas mataas kesa regular savings. Sa akin, hinati ko: 3 to 6 months ng gastos ko naka-digital bank as emergency, tapos yung sobra doon ko nilagay sa MP2. Wag mo isilid lahat sa isang lugar. Personal opinion lang ito, i-assess mo ang sarili mong sitwasyon.

Nag-MP2 ako since 2021 and masaya ako sa dividends, mga 6 to 7 percent range yung mga nakaraang taon, tax-free pa. Pero tama si Sir, hindi yun emergency fund kasi 5 years bago mo makuha ng buo, kahit pwede naman i-withdraw ang dividend annually. Ang ginawa ko, ang emergency fund ko naka-hiwalay sa isang digital bank na may 4 percent interest na pwede kong i-cash out anytime via GCash. Tapos yung MP2 ko is para sa long-term goal ko na condo downpayment. Iba ang pera na pang-emergency, iba ang pera na pinapalago. Wag mo pagsamahin para hindi ka matukso gastusin.