Kailan dapat dalhin sa hospital ang lagnat? Takot ako sa dengue

Bilang magulang din, ang 3 days na tuloy-tuloy na lagnat lalo sa rainy season, dapat mo nang ipatingin sa doktor para ma-CBC (blood test) at ma-monitor ang platelet. Wag mo hintayin lumala. Ito ang WARNING SIGNS ng dengue na dapat DALHIN AGAD sa ER: matinding sakit ng tiyan, sunod-sunod na pagsuka, pagdurugo ng gilagid o ilong, dugo sa suka o dumi, sobrang hina o antok na di magising nang maayos, malamig at maputlang balat, at kapag bumaba na yung lagnat pero lumalala pa yung pakiramdam (yun ang mapanganib na critical phase). Habang nasa bahay: paracetamol lang para sa lagnat, HUWAG ibuprofen o aspirin kasi nakaka-dugo. Painumin ng maraming tubig, oresol, sabaw, at buko juice para di ma-dehydrate. Pero honestly, sa 3rd day na lagnat, magpatingin ka na para may baseline blood test, mas mabuting maagang malaman.