Kaya bang tapusin ang college habang working student?

Working student ako ng 5 years, night class sa isang polytechnic university. Araw ako sa call center, gabi college. Oo, nakakapagod, may mga umaga na natutulog ako sa jeep. Pero natapos ko. Tips ko: pumili ka ng school na may evening/weekend program at flexible. Sa work, hanapin mo yung company na may study leave o education assistance — yung BPO ko noon may tuition reimbursement pala, sayang hindi ko agad alam. Ipunin mo yung tuition per sem, wag hulugan lahat. At most importante: matutong mag-say no sa mga barkada, hindi mo kaya lahat. Worth it pagdating ng graduation, iiyak ka.

Realistic reminder: baka mas matagal ka makatapos (6-7 years instead of 4) at okay lang yun. Wag mo ikumpara sarili mo sa full-time students. Ako nag-part-time load, 2-3 subjects lang per sem para hindi ako ma-overwhelm at hindi bumagsak. Mas mabuti na dahan-dahan pero pasado kaysa magmadali tapos mag-drop. Tignan mo rin yung ETEEAP kung marami ka nang work experience — pwede ma-credit as units yun sa ibang schools.

Mental health advice: bantayan mo yung sarili mo. Nakita ko yung kaibigan ko na na-burnout sobra sa working student life, muntik na siya mag-give up sa both work and school. Kumuha ka ng one rest day kung kaya, kahit sobrang tipid. Wag mo kalimutan kumain ng tama at matulog. Yung degree walang saysay kung masisira ka. Kaya mo yan basta hindi mo sinisira sarili mo.