Sulit pa ba mag-college o mag-vocational course na lang para makapagtrabaho agad?

Sa karanasan ko sa HR, hindi lang diploma ang tinitingnan namin ngayon, kundi skills at attitude. Marami akong kilala na TESDA grad na mas mataas ang sweldo kaysa college grad kasi may hands-on skill sila na kailangan ng industry. Pero totoo rin na may mga kompanya na strict pa rin sa degree requirement para sa promotion. Ang advice ko, tignan mo kung anong industry gusto mong pasukin, tapos tignan ang requirements. Pwede ka ring mag-vocational muna para kumita, tapos mag-aral ng degree habang nagtatrabaho gaya ng ginawa ng iba. Wag mong isipin na dead end ang vocational, marami diyan nagsimula tapos may sariling negosyo na ngayon.

Dumaan ako sa ganitong desisyon. Ang totoo, walang iisang tamang sagot, depende sa goal mo at kalagayan. Ako, nag-TESDA muna ako ng welding kasi kailangan namin ng pera agad. Nakapagtrabaho ako abroad at doon ako nakapag-ipon, tapos saka ko tinuloy ang college part-time. Kung may in-demand na skill ka na madaling ipasok sa trabaho tulad ng caregiving, culinary, o tech, sulit ang vocational, mas mura at mabilis. Pero kung ang pangarap mong career ay nangangailangan ng degree tulad ng engineering o nursing, kailangan mo talaga ng college. I-check mo din ang scholarships at CHED financial aid, marami diyan hindi nakaka-alam na libre pala.