3 years na ako sa same position, dapat ba akong lumipat o mag-request ng promotion?

Nangyari sa akin yan, 4 years akong hindi na-promote. Nag-request ako ng raise, ang sabi 'next year na lang.' Nung nakakuha ako ng offer sa ibang company na 40 percent higher at may title na mas mataas, saka lang sila nag-alok ng counter. Nakakainis kasi kailangan mo pang umalis para lang pahalagahan. Ang natutunan ko, updated lagi ang resume mo at mag-interview ka minsan para malaman mo ang halaga mo sa market. Wag ka matakot lumipat kung stagnant ka na, pero siguraduhin stable ang bagong company at wag lang sweldo ang basehan. I-check mo rin ang culture at growth. Loyalty is good, pero hindi dapat one-sided.

As a manager, ang totoo, minsan hindi ka na-promote hindi dahil hindi ka magaling, kundi dahil hindi mo hiningi o hindi alam ng management na interesado ka. Bago ka mag-resign, mag-set ka ng one-on-one sa boss mo. Ipakita mo ang mga naitulong mo na may numbers, tapos direct na sabihin na gusto mong tumaas ang role. Tanungin mo kung ano ang kulang para ma-promote. Kung malinaw ang path na ibibigay nila, magandang senyales. Pero kung paikot-ikot lang ang sagot for years, doon ka na mag-isip lumipat. Karaniwan, mas mabilis tumaas ang sweldo pag lumipat, pero i-weigh mo ang stability. Kausapin mo muna sila bago magdesisyon.