Nag-apply ako ng 4Ps dati pero hindi na-approve, may iba pa bang tulong para sa pamilya?

Solo parent din ako, kaya una sa lahat, kumuha ka ng Solo Parent ID sa city o municipal social welfare office. May benefits yun sa ilalim ng Solo Parent Welfare Act, kasama discount sa ilang bilihin at parental leave kung empleyado. Sa DSWD, may AICS naman, ang Assistance to Individuals in Crisis Situation, para sa educational o medical na pangangailangan, pwede kang mag-walk in at magdala ng requirements. Sa barangay mo rin, minsan may scholarship o school supplies drive tuwing pasukan, tanong ka lang sa barangay hall. Wag ka mahiya magtanong, para yun sa mga tulad natin. Dalhin mo lang lahat ng dokumento para mabilis.

Bukod sa DSWD AICS na binanggit, tignan mo rin ang mga programa ng local government unit ninyo, iba-iba kasi bawat lungsod. May mga lokal na ayuda para sa maliliit na negosyo, minsan may puhunan grant o palengke assistance. Para naman sa edukasyon, meron ding TES o Tertiary Education Subsidy kung papasok na ng college ang anak mo, at DSWD educational assistance tuwing enrollment season. I-follow mo ang official Facebook page ng city hall ninyo para updated ka sa mga bagong ayuda. Wag ka umasa sa fixers na naniningil, libre lahat ng application na ito. Matagal minsan ang proseso, pero tiyaga lang, para yan sa mga anak mo.