Ilang beses na akong nag-asikaso ng PhilHealth claims para sa pamilya, ito paalala ko. Una, siguraduhin mong updated ang contributions ng miyembro; kung hindi active, mahihirapan kayo. Para sa employed, awtomatik yun sa kaltas; para sa self-employed o voluntary, kailangan updated. Pangalawa, ihanda ninyo yung mga dokumento: PhilHealth ID o MDR, valid ID, at yung mga form na ibibigay ng ospital. Kadalasan ang ospital na mismo ang nag-a-assist sa claim, awtomatik na binabawas sa bill, hindi na kayo maghahabol pa. Pangatlo, alamin ninyo yung case rate; may fixed amount ang PhilHealth kada sakit o operasyon, hindi lahat ng gastos sakop. Kaya kung mahal ang pagpapagamot, may babayaran pa rin kayo, yung sobra sa case rate. Pang-apat, sa mga senior at indigent, may dagdag na benepisyo, itanong ninyo. Sa amin, malaking tulong, halos kalahati ng bill nabawas, pero hindi lahat, kaya maghanda pa rin ng dagdag na pondo. Itanong ninyo lahat sa billing section, wag mahiya.